UTARATIBU WA MAOMBI YA MAUNGANISHO MAPYA

 1. Maombi

• Mteja anapaswa kujaza fomu ya maombi ambayo inapatikana  kwenye mtandao kupitia tovuti hii "https://huduma.maji.gov.go.tz/" au piga simu ofisi za KUWASA kwa maelezo zaidi, pia waweza kupata muunganisho kupitia tovuti ya KUWASA.
• Fomu iwe na mhuri kutoka ofisi ya Mtendaji au Mwenyekiti wa Serikali ya Mtaa.

2. Viambatisho vinavyohitajika  

• Barua ya Afisa Mtendaji au Mwenyekiti wa Serikali ya Mtaa wa eneo husika
• Picha mbili (Passport Size)
• Nakala ya kitambulisho (Kitambulisho cha Taifa, Kadi ya Mpiga kura, Leseni ya udereva ama kitambulisho kingine kinachotambulika na serikali)
• Kwa taasisi/mashirika watapaswa kupiga muhuri sehemu ya picha na kuweka viambatisho vya usajili wa Taasisi/Mashirika yao.

3. Upimaji (Survey) 

• KUWASA itafanya upimaji kwa mteja aliyekamilisha kujaza fomu ya maombi na kuwasilisha viambatisho vinavyohitajika na kuwasilisha ofisi za KUWASA ndani ya siku tano za kazi.

4. Makadirio ya Gharama  

• KUWASA itaandaa gharama zote za makadirio zinazohitajika kwa ajili ya maunganisho mapya.
• Ununuzi wa vifaa vipya vya kuunganisha huduma ya maji itafanywa na KUWASA kwa kufuata sheria na kanuni za manunuzi ya umma.

5. Taarifa kwa mteja. 

• Baada ya makadirio ya gharama, KUWASA itamjulisha mwombaji kupitia ujumbe mfupi (SMS) jumla ya gharama ya maunganisho mapya ya huduma ya Maji .Gharama hizi pia zitapatikana kwa mteja kufika kupiga simu ya ofisini KUWASA.

6. Malipo 

• Makadirio ya gharama yatalipwa na mteja kupitia namba ya malipo ya serikali – Control Number, au utaratibu utakaowekwa na serikali ya Jamhuri ya Muungano wa Tanzania.

7. Utekelezaji wa maunganisho mapya.

• Baada ya mteja kukamilisha malipo ya gharama za maunganisho mapya KUWASA itampa Semina mteja na kisha kufuatiwa na maunganisho ya huduma ya majisafi kwenye eneo husika la mteja.
• Baada ya maunganisho kukamilika KUWASA itafanya majaribio ya kuhakiki ufanisi wa maunganisho.

Dira ya maji itafungwa kwa mteja bure